|
|
|
|
Lo vin de Juranson qu'a ua istòria rica. Longtemps,
n'estó pas qu'un vin de taulèr, d'estanguet. D'aqueth
temps, non coneishèvan pas las bevudas de tot ordi com
uei lo dia : que bevèvan lo pinton ( pishèr d'un miei
litre de contienença ) deu matin dinc au ser !
Parièr com lo Bearnés ( fòrma de la lenga occitana en
Bearn ) ei la nosta lenga mairau, lo Juranson ei l'un
deus elements de la nosta cultura, dab la canta, la
dança. Lo vin de Juranson que serviva, e que serveish
enqüèra tà parlà's, arretrobà's en tot bèver un còp.
Lo " Çà-i béver un còp ! ", plan conegut en Bearn qu'ei
tà tots l'expression de l'arcuelh, de l'invit a escambiar.
|
|
Après aver vinificat los nostes
vins " com a l'escòla ", e sustot après aver comprés
drin miélher la tèrra, los Mansengs e … lo vin, que
hèm adara los vins qui avem en cap. Que volem har vins
de géncer expression, representatius deu noste terrador
dens la soa especificitat. Totas las parcèlas non pòrtan
pas lo medish potenciau, pr'amor de l'estructura deu
sòu, de l'exposicion, de l'atge deu vitatge…mes totas
qu'an vocacion a neurir un vin de medisha natura d'un
an a l'aute .
|
|
En vinificar, quan se pòt, los vins a despart, que
volem amuishar aquera " marca deu terrador ". Las mescladas
qui hèm en cors o en fin de fabricacion que balhan :
- dus Vins de fruta : sec e doç
- duas Cubadas : Vitatge Vielh e la Magendía de Lapeyre
( ex seleccion.
Com tienem a arrespectar la marca originau, las fermentacions
que's hèn dab boriders de l'endret, multiplicats en
pè de barrica. N'utilizam pas lhevaduras seleccionadas
deu comèrci, sauv excepcion.
|
|
|
|
Lo tast :
Lo tast deus nostes vins qu'ei
un tribalh agradiu, segur ! mes tanben essenciau. Que
tastam sovent los diferents lòts en cors d'elaboracion.
L'analisi sensoriau que dicta çò de har : hicar amassa
los vins qui's semblan, esmairar, hicar en suspension
los ahets… Arren de sistematic totun : qu'ei lo vin
qui comanda. .
|
|
L'intervencion de Bénédicte, l'enològa
deu labò de la Route des Vins du Jurançon, qu'ei primordiau
: qu'avem creat, dab l'ajuda de l'Institut de Dégustation
de Tours, ficas de degustacion analitica de Jurançon
e Jurançon Sec entà seguir los vins pendent l'elaboracion.
Regularament, qu'organizam amassadas de vinhèrs entà
tastar nosauts-medishs, a l'òrb, los nostes vins e escambiar
tanben los avís e las experiéncias de cadun … L'union
qu'en·horteish !
|
|
|
|
|
|
Plan
viengut 
)
)
)
)
)