|
|
|
|
La venta dirècta :
Que demoram dens un parçan ric
de la soa istòria, de la soa cultura, de la soa gastronomia,
deus sons paisatges, la mar grana a 1 òra, la montanha
a 30 minutas… Qu´ei ua region practicada dab estructuras
d´arcuelh e ua pièla de taulas de las bonas.
La Route des Vins de Jurançon que
permet uei lo dia, au briu d´ua caminada de 35 km, d´anar
ençò deus 60 vinhèrs independents de l´AOC, cadun dab
un ostau d´arquitèctura tradicionau, un chai de vesitar,
ua cava de degustacion conviviau, ua personalitat e
la hami de partatjar un drin deu son temps… en tot botelhar.
Au Clos Lapeyre, l´endret on s´i
beu un còp qu´estó l´un deus prumèrs amainatjaments
en 1986, dab lo petit musèu qui presenta adara 140 pèças
e apèrs de la vit, deu vin e deu barricar : un estanguet
de non pas mancar en juransonés.
|
La JURANSONADA : " viatge
vertadèr au còr deu vitatge e de'us qui'u cultivan… "
qu´ei un sendèr de passejada ludic e pedagogic de 1h30
haut o baish per las vits de Lapeyre e deu Camin Larredià.
Que s´i pòt visitar lo chai d´envielhiment de 180 barricas
qui arcuelh sovent mustras e pintruras. Nathalie, Sandrine,
Frédéric o Jean-Bernard que i son tot dia de 9 òras dinc
a mieidia e de 2 òras deu vrèspe dinc a 6 òras deu ser,
lo dimenge sus rendetz-vos. Que hèn tastar l´ensemble
deus nostes vins. Qu´i poderatz descobrir tanben los diferents
produits deus productors bordalèrs de SAVEURS DU BEARN
: guits, hitges, poralhas cosinadas, mèu, confituras,
mongetas-milhòc, campardinas… o vins de Madiran. Los nostes
vins que´s pòden crompar a l´endret ; que´s pòden tanben
véner per correspondéncia e estar mandats : tarifas a
la demanda.
|
|
|
|
Los vinatèrs :
Los nostes vins que´s venen
ençò deus bons vinatèrs quasi pertot en França. Entà
conéisher los qui son au ras de vòste, que´us
nse podetz demandar pr´amor longa ei la lista
!
Que v´assabentarà tanben Stéphanie deu GIE Expressions
de Terroir au 05.63.29.62.51. Expressions de Terroir
qu´ei un petit gropament de comercializacion (
GIE ) qui avem creat dab 7 autes bons vinhèrs de 7 apellacions
deu Sud-Oèst :
- Didier BARRE deu Domaine BERTHOUMIEU
a Madiran.
- Nicolas GELIS deu Château MONTAURIOL
a Fronton
- Alain CAZOTTES deu Domaine des
TERRISSES a Galhac
- Alain GAYRAUD deu Château LAMARTINE
a Caurs
- David FOURTOUT deu Clos des VERDOTS
a Brageirac
et Charles. HOCHMAN deu Domaine
du Mirail suus Costalats de Gasconha.
Lo corric Expressions de Terroir
:
expressions-terroir@wanadoo.fr
|
Los restaurants
Taulas de las bonas qui serveishen
los nostes vins, que n´i a hèra e drin pertot.
Dab lo tribalh deus mèstes cosinèrs, las lors suggestions
e los conselhs deus botelhèrs, los restaurants que
son lòcs privilegiats qui balhan l´escadença
de descobrir los nostes vins. Que´vs podem ajudar
a´us localizar eths tanben si cau .
|
|
Expòrt
Que´vs podem ajudar a´us
localizar los nostes importatores dens lo monde :
|
|
|
|
|
|
Plan
viengut 
)
)
)
)
)
)
)
){kind=link}