|
|
| |
lo quatau element : los òmnis
|
Au bèth
miei de l'apellacion " Juranson ", Jean Larrieu que crompè
lo maine en 1920. Lo son hilh Marcel, valent, que seguiscó
en tribalhar la vit, en desvolopar lo neurissatge deu
bestiar e la cultura de las ahragas.
1984 :
Estructura deu ben : 16 ha en tot dab
: :
- 3,5 ha ha de vit ; las vrenhas
que van a la cava co-operativa de Gan
- 12 ha de prats tà neurir ua vacada de 25 Blondes d'Aquitaine
.
- 0,50 ha d'ahraguèrs en costalats.
La produccion de 10 a 12 tònas
d'ahragas l'an qu'ei venuda directament a Pau. ( Aquera
mieja-ectara que raportava lavetz los 2/3 deu reviengut
de la bòrda ) ; |
|
|
1985 :
Los estudis de viticultura-enologia
acabats, Jean-Bernard LARRIEU qu'adoba un petit chai
de vinificacion dab l'ajuda e la complicitat deu pair,
Marcel. Lo Clos Lapeyre que vad en 1985.
1987 :
Que prenen 1,5 ha de vits mei en borderatge ( Tèrranegra
).
1988 :
Que dèishen de har las arhagas
1989-1990 :
Qu'agrandeishen lo chai ; que plantan
1991 :
Que plantan la parcèla de
Navalhés : 1 ha de Gros Manseng. Que dèishen la vacada
1992 :
Qu'embauchan lo prumèr salariat
; que crompan un trolh pneumatic
1993 :
Que plantan la parcèla de Podempà
: 1 ha de Petit Manseng ;
|
|
1994
:
Que basteishen un locau tà enmagasinar e qu'agrandeishen
lo chai de deishar envielhir las barricas de vin
1995 :
Qu'embauchan un 2au salariat
1997 :
Que hèn investiments importants dens la cava. Los darrèrs
millesimes qu'an balhat vins deus grans, la venta deu
noste vin qu'aumenta hèra mes lo desvolopament deu maine
de 10 ha qu'ei paralisat peus navèths quòtas de plantacion.
Mercés a las vrenhas deu vitatge Herruà d'André Peyroutet
a Sent Haust, puish deu de Philippe e Jean Vignau ( prumèr
costalat de Juranson ) en 1999, l'enterpresa familiau
qu'a pres endom. Aqueths dus vitatges que son cultivats
en luta rasonada, pas en cultura biologica com Lapeyre,
mes dab un quasèrn de las cargas precís, establit amassas.
La hidança e l'amistat qui ligan André Peyroutet e la
familha Vignau a Jean-Bernard e Marcel LARRIEU que permeten
uei lo dia a la SARL LARRIEU Jean-Bernard d'amassar, har
viéner, vinificar e comercializar lo frut de 16 ha de
vits dens condicions optimaus.
|
|
L'equipa Lapeyre : Que's compausa
uei lo dia de Nathalie e Sandrine au burèu, Philippe e
Serge vinhèrs, Frédéric au chai, Jean-Bernard e Marcel,
actiu retirat tostemps valent. Lo temps de tribalh de
Nathalie, Sandrine e Philippe qu'ei totun despartit enter
dus collègas vinhèrs peu biaish d'un gropament d'emplegaires.
Dens lo medish esperit, Jean-Bernard que desparteish dab
los vinhèrs deu vilatge un dotzenat d'apès viticòlas especializats
mercés a la CUMA, co-operativa d'utilizacion de Materiaus
Agricòlas de la Capèra, de qui ei lo president. Aqueth
esperit de co-operacion e de mesa en comun deus mejans
e de las competéncias qu'ei important tau Clos Lapeyre
: la petitessa de las nostas estructuras no'ns permeteré
pas d'aquesir aqueth materiau solets. |
|
|
|
|
Plan
viengut 
)
)
)
)
)
)
)
)
)
)
)