|
|
| |
lo dusau element : lo climat
|
La posicion hèra occidentau deu noste vitatge,
a 40 km deu pè deus Pirenèus e a 100 km de la mar grana qu'induseish
un climat oceanic hèra doç. L'ensorelhament qu'ei deus bons, dab temperaturas
mejanas de 24°C pendent lo periòde vegetatiu ( deu mes de mai dinc au
mes d'octobre ) e ua pluviometria annuau hèra importanta ( 1300 mm ).
Que plau sustot l'ivèrn e la prima, dab las marçoladas. L'estiu, los
auratges que son frequents, a còps violents dab peirabatudas. Las plojas
de seteme non hèn pas tròp de puisheu a las nostas varietats de vits
tardivas.
|
|
|
Los abòrs qu'i son hèra doç e secs : que s'i parla,
daubuas annadas, d'estiu indian pr'amor de l'influéncia deu vent caut
d'Espanha : lo vent balaguèr.
|
|
|
Mercés a aqueth climat quasi " tropicau ", los
paisatges que son hèra desparièrs ; qu'èm dens ua region tradicionaument
virada de cap a la policultura dab prats verdejants per las vacadas mei
que mei, lo milhòc, la frutèra e las ortalissas de tot ordi au ras de
Pau, lo vitatge sus penents géncers…
|
|
Autes testimònis de la doçor deu climat : palmièrs,
bananèrs ( totun las bananas non maduran pas ! ), citronèrs, higuèrs…
e autes enqüèra, com los mimosàs qui floreishen mentre qui los Pirenèus
son amantolats de nèu…
|
|
Plan
viengut 
)
)