|
|
|
|
Jurançongo mendi-hegaletan, mahastiak maldaren goialdean
daude, eguteran -Midi d'Ossauren bekoz beko-, hego ekialdera
eta hego mendebaldera begira eta beraz argiztadura desberdinekin.
Erliebearen ardatz nagusia iparretik hegora doa eta bi argiztadura bereizten ditu Chapelle de Rousen. :
- aldapak: hegotik hego-mendebalera, garaiak, pikoak eta ongi argiztatuak.
-maldatxoak: sortaldera irekitako zirkuetan, oso beroak, eta mendebaldeko haizeen babesean..
|
|
Oinarrizko haitza Jurançongo kareharri konglomeratu ezagunak osatzen du. Lur azala buztin-hareatsuz eta buztin-silizeoz osatutako geruza meheek estaltzen dute, eta higiduraren ondorioz, osagai hauek kareharriak (Palassouko konglomeratua eta bere errekarri mamuak) sortu dituzte. Tarteka, pilatutako buztin, basa eta hareaz osatutako geruzak daude eta gune batzuetan errekarriak dituzte gainean. Zenbait sailetan lurrak gutxiago garatuta daude eta sakonera gutxikoak dira, batik bat hegoaldeko aldapetan. Horietan kareharria azalean egoten da.
|
|
|
|
Erliebe nahasiak, fallek eta
kolada garrantzitsuek lur mota oso desberdinak eman
dituzte eta, horren ondorioz, bakoitza lantzeko modu
diferenteak erabili behar dira.
|
|
Lur sail bakoitza hobeto kontrolatzeko, 1999an Clos Lapeyren kokatutako lurren mapa egin genuen, Hérodyren metodoari jarraituz. Lur azalaren eta sakonaren behaketaz eta laborategian egindako lur laginen analisien bitartez, mahastiko 12 hektareak 15 lur motatan sailkatu ditugu.
Mapa honen helburua da lur bakoitzaren bizia ulertzea eta mahatsondoak elikatzeko ongarriak zeintzuk izan daitezkeen jakitea. Beti ere lurraren gaur egungo emankortasuna gordez, edo hobetuz. Izan ere, inongo nekazari metodotan ez dira soilik landareen beharra kontuan hartuta hautatu behar ongarriak, bestela epe labur edo luzeagoan lurraren emankortasuna zapuzte arriskuan jartzen da.
|
|
|
|
Lur baten emankortasun ahalmena
lurraren multzo organo-mineralean datza. Eta berau,
berriz, oinarritzen da buztin eta basen kalitatean,
burdinak mantendu eta kareak egonkortutako loturan eta
humusaren bilakaeran.
Oinarrizko haitza, klima eta lurraren bilakaera egoeraren
ondorio da ahalmen hori.
Behaketa zehatz hauek ongarriztatzeko
eta lantzeko ekarpen eta iradokizunak eskaintzen dizkigute
eta hauek esperientzian, sailaren historian eta ahalmen
mekanikoaren arabera moldatzen dira. …
|
|
Gure lurren kartografiaren erabilpenaren adibide batzuk :
-aldapa ertaineko eta buztin eduki handiko sailen lurraren lanketa
-lur azpiaren lanketa uztaren ondoren drenajerako zailtasunak daudenean
-Kaltzioa eta beste ongarri organikoen gehikuntza etxean egindako konpostaren bitartez
-Sintesiz sortutako tratamendu kimikoak alde batera uztea
|
|
|
|
|
Laburbilduz, badakigu gure lurrak nahiko aberatsak direla mineraletan, baina osagai horiek eskuragarri egon behar dute ardoa haietaz balia dadin; eta mikrobioen aktibitateak jartzen dizkio landareari osagai horiek eskuragarri. Aktibitate hori gehitzeko eta hobetzeko eta gure mahatsondoei Lapeyreko lur sailez ahal den modu naturalean baliatzeko helburuarekin gure mahastiak Nekazaritza Biologikoaren arauak jarraituz landu ditugu zenbait urtez. Gure 10 hektareetan ez dugu ez herbizidarik ez kimika-gai sintetikorik erabiltzen. Mildiu eta oidioaren kontra sufrea eta kobrea erabiltzen ditugu, landareen bitartez lortutako zenbait gairekin batera. Horrez gain, udaberri eta udako kimaketak, besorako lotze lanak eta hosto kenketa modu zehatzean egiten dira.
|
|
|
|
|
Ongi
etorri 
)
)
)
)
)
)
)